Kaldereroek, Momo Jainkoak bidaliak, ihauteriak iritsiko direla iragartzen dute sartagin zaharren soinuez.

XIX.mendean, eta agian lehenago, ohikoa zen noizean behin Donostiara iristea Europako erdialdetik abiatuta, Europan zehar ibiltzen ziren familia edo tribu batzuk.

Hiriko gertakizun handienetakoa izaten zen kaldereroen etorrera, besteak beste haien jazkerak, kantek, dantzak eta ohiturak oso bereziak eta ikusgarriak zirelako.Gure artean zeudelarik euren lanbideari ekiten zioten: langile trebeak zirenez, eltzeak, pertzak eta beste gauza batzuk konpontzen zituzten.